Kaash wo waada Motivational speech in hindi || Motivastion

By | 28/11/2018

Kaash wo waada Motivational speech in hindi

Tumhaari sansein thodi tham si rahi hain..
Dhadkne Thodi ruk si rahi hain
Chaaro taraf log hain, par tum unhe dekh nahi paa rahe..
Kehna to boht kuch hai, par tum kuch keh nahi paa rahe..

Poori zindagi ki yeh aakhiri ghadi hai..
Apni baahein failaaye, maut saamne khadi hai..

Chand lamho ke kuch jazbaat hai,
Dil ki gehraiyon se nikli ye baat hai..

“Kaash… Woh waada”.

Khud se ek waada kiya.. Woh ladki jisse pyar kiya..
Kayee baar socha bol dun use jaakar.. Par uske inkaar se darr gaya..

Kamyaabi ka ek sapna dekha..
Kayee baar socha aaj se shuru karun.. Par apne hi comfort zone me fas gaya..

Khud se ek waada kiya.. Poori duniya ghumni hai, aisa ek sauda kiya..
Karunga koi aisa kaam, Ke poori duniya mein hoga naam..
Mehnat karunga poore dil-o-jaan se.. Par woh mauka bhi zaaya kiya..

Har din koi na koi waada kiya.. agle hi din usse bhool gaya..
Situation ko dhaal banakar.. Excuses ke piche chhup gaya..

Neend badi pyari thi, dost bade pyaare the..
Sapno ki na thi koi kadr.. aur ilzaam laga qismat pe..

aaj apne death bed par ab intezaar hai toh bas
unn heartbeats ke thamne ka..

bas ab chand lamho ke kuch jazbaat hai,
Dil ki gehraaiyon se nikli yeh baat hai..

 Motivational speech in hindi

ke kaash…. woh waada maine poora kiya hota..

Kaash maine apne pyar ko bol diya hota..
Kaash maine apne sapno ke liye keh diya hota..
Kaash maine thodi aur mehnat ki hoti,
kaash maine give up naa kiya hota..

Kaash.. woh waada maine poora kiya hota.

aankho mein ek aag liye, seene mein ek baat liye..
tamanna hai bas ek baar… uth khade hone ki..

Darr maut se nahi, naa hi uss dard se..
gham toh hai bas uss.. regret se..

ke kaash.. woh waada maine poora kiya hota…

Society ne jaise chalaya waise chalta gaya..
chaar log kya kahenge yahi soch kar apne sapno ko maarta gaya..

aur ant mein unn chaar logo ne yahi kaha…

RAAM NAAM SATYA HAI.

Dost…
maut tak ka intezaar kar rahe ho kya ?
apne pyar ke chale jaane ka wait kar rahe ho kya ?
logo ko baatein kehne ka mauka de rahe ho kya ?
marne par regrets ka wait kar rahe ho kya ?

toh phir… utho.. aage badho…
aur unn sapno ko haasil karo..

kar tu kuch aisa kaam..
ke poori duniya me ho tera naam..
kar har lamha uss kaamyaabi ke naam..
ke poori duniya kare tujhe salaam.

 

ये भी पढ़े – 

                Mother motivational poem in Hindi

 वक्त नहीं –Best Motivational poem in hindi

                 Kaash wo waada Motivational speech in hindi

Leave a Reply

Your email address will not be published. Required fields are marked *